Aktividatnan

Nos oferta di aktividatnan

Jong Bonaire ta ofresé un oferta amplio i variá di aktividatnan pa hóbennan for di 10 aña ariba. Deporte, músika, arte, kultura, desaroyo di talento i negosha tur ta forma parti di nos programa. Hóbennan por partisipá, entre otro, na lès di músika, basketball, beach games, stand-up comedy, BMX, boxeo, brassband, defensa personal pa mucha muhé, arte, negosha, paintball, tenis di mesa i futbòl.

Ademas di relahamentu i desaroyo di talento, nos ta duna atenshon tambe na edukashon. Hóbennan por hasi nan tarea tur dia bou di guia. Pa diferente materia eskolar, nos ta ofresé tambe lèsnan di sosten adishonal.

Bida Master ta e klas i grupo di kombersashon diario di Jong Bonaire enfoká riba life skills, esta habilidatnan pa bida. Akí, hóbennan ta papia ku otro i ku nos guia di aktividatnan tokante temanan ku ta okupá nan pensamentu i asuntunan ku ta hunga un ròl den komunidat di Boneiru.
Ademas, regularmente nos ta organisá seshon di informashon i workshop tokante diferente tema, manera maneho di plaka, seksualidat, uso di sustansianan, pobresa i derechonan humano. Asina, Bida Master ta ofresé hóbennan un lugá sigur kaminda nan por hasi pregunta, kompartí eksperensia, forma nan mes opinion i desaroyá abilidatnan ku ta yuda nan den bida di tur dia.

Durante aña nos ta organisá tambe diferente aktividat i evento spesial. Por ehèmpel, anochi di pelíkula, un sena di Pasku, kampamentu durante vakashon i nos popular survival camp den vakashon di verano.

Pa alumnonan di klas 7 i 8 di skol básiko, nos ta organisá un programa spesial riba djárason i djabièrnè. E programa aki ta duna nan e oportunidat pa konosé Jong Bonaire kaba i pa familiarisá nan ku aktividatnan ku ta kuadra ku nan edat i desaroyo.

Jong Bonaire ta keda un lugá di enkuentro i aktividat tambe pa hóbennan mas grandi. P’esei, pa hóbennan for di 16 aña, nos ta organisá aktividatnan separá durante oranan di anochi.

Proyektonan i programanan

Jong Bonaire ta ehekutá diferente programa na Boneiru ku ta forma parti di inisiativanan mas amplio den Hulanda i den Reino Hulandes. Di e manera ei, nos ta konektá e guia i sosten ku nos ta duna hóbennan lokalmente ku programanan ku a demostrá nan balor, konosementu i kolaborashon ku partnernan pafó di e isla.

Solamente bo mes ta determiná ken bo ta

Jong Bonaire ta e organisashon enkargá ku ehekutá Alleen jij bepaalt wie je bent (AJB) na Boneiru. AJB ta un intervenshon di komportashon rekonosí ku ta usa deporte pa duna hóbennan struktura, konfiansa den nan mes i oportunidat pa desaroyá nan mes. Hóbennan ta praktiká deporte durante un periodo mas largu den un ekipo fiho. Nan ta haña guia di entrenadónan ku ta funshoná tambe komo ehèmpel positivo pa nan.

Na Boneiru, e programa ta wordu ehekutá den kolaborashon ku entrenadónan i instruktor lokal. Jong Bonaire ta responsabel pa e ehekushon diario, guia i organisashon di e programa.

Mas informashon tokante Alleen jij bepaalt wie je bent

Leerorkest Boneiru

Leerorkest Boneiru ta un otro programa ku ta wordu eh ekutá dor di Jong Bonaire. E Leerorkest ta duna mucha i hóbennan e oportunidat pa siña toka un instrumento musikal i pa hasi músika huntu. E edukashon musikal no ta wordu mira solamente komo un meta den su mes, sino tambe komo un medio pa desaroyá talento, koperashon, disiplina i konfiansa den nan mes.

Ku e Leerorkest, nos ke hasi edukashon musikal aksesibel pa tantu mucha i hóben ku ta posibel na Boneiru, tantu durante oranan di skol komo pafó di skol.

Mas informashon tokante Leerorkest Boneiru

Bida Master