Artíkulo 1 – Definishonnan
Den e kondishonanan aki, e siguiente términonan tin e siguiente nifikashon:
- Jong Bonaire: e organisashon ku ta ofresé aktividatnan, guia i servisio na hóbennan.
- Partisipante: e hoben ku ta registrá su mes i ta partisipá den e aktividatnan di Jong Bonaire.
- Mayor/tutor legal: e persona ku legalmente ta responsabel pa un partisipante bou di 18 aña.
- Aktividatnan: tur programa, ekskurshon, guia, transporte i otro servisio ku Jong Bonaire ta organisá.
Artíkulo 2 – Aplikabilidat
- E kondishonanan general aki ta apliká na tur aktividat di Jong Bonaire.
- Dor di registrá, e partisipante (i den kaso di un menor di edat, su mayor/tutor legal) ta deklará ku e ta di akuerdo ku e kondishonanan aki.
- E Kódigo di Komportashon di Jong Bonaire ta forma un parti integral di e kondishonanan aki.
Artíkulo 3 – Registrashon i partisipashon
- Registrashon ta tuma lugá solamente via e formulario ofishal di registrashon.
- E partisipante òf su mayor/tutor legal tin e obligashon di duna informashon korekto i kompleto, i di notifiká kualke kambio den e datonan mesora.
- Despues di registrashon, e partisipante por partisipá den e aktividatnan di Jong Bonaire.
- Jong Bonaire ta reservá e derecho pa nenga òf terminá partisipashon ora tin situashonnan ku por pone seguridat na peliger, komportashon ku ta pasa límite òf suspenshonnan anterior.
Artíkulo 4 – Komportashon i kumplimentu di reglanan
- Partisipantenan ta obligá pa kumpli ku e Reglamentu Interno i e Polítika di Sankshonnan di Jong Bonaire.
- Den kaso di violashon di reglanan, Jong Bonaire por apliká sankshonnan, ku por varia di un advertensia te suspenshon òf terminashon di partisipashon.
Artíkulo 5 – Responsabilidat
- Partisipashon den aktividatnan ta sosodé bou di propio responsabilidat di e partisipante.
- Jong Bonaire no ta responsabel pa:
- Pèrdida, robo òf daño na pertenensianan personal.
- Daño òf herida ku otro partisipante a kousa.
- Daño ku ta resultá di no sigui reglanan òf instrukshonnan.
- Daño ku ta resultá di sirkunstansianan imprevisto òf di forsa mayor.
- Jong Bonaire ta responsabel solamente pa daño ku ta resultá direktamente di aktua ku intenshon òf negligensia grave di su personal.
Artíkulo 6 – Pèrmit pa uso di potrèt, vídeo i entrevista
- Jong Bonaire por saka potrèt i hasi grabashonnan di vídeo durante aktividatnan pa komunikashon interno i eksterno (manera website i rednan sosial), a ménos ku un oposishon por eskrito ta ser presentá.
- Hóbennan por partisipá den entrevistanan pa metanan edukativo i di desaroyo personal.
- Jong Bonaire no ta entregá ni bende material di imágen na terser partinan pa uso komersial.
Artíkulo 7 – Pagonan
- Mayor/tutor legal òf e mesun partisipante (si e tin 18 aña òf mas) ta responsabel pa paga na tempu e kontribushon anual, gastunan di registrashon i kualke gastu adishonal di aktividatnan.
- E gastunan anual ta suma $50 pa aña.
- Den konsulta, por tuma un desishon pa hasi pago den diferente términonan.
- Tur gastu anual mester ta pagá kompletamente promé ku fin di e promé trimestre di aña eskolar, esta, no mas despues di 31 di òktober, a ménos ku tin un otro akuerdo por eskrito.
- Den kaso di pago atrasá, lo sigui e siguiente prosedura:
- Promé rekordatorio: 7 dia despues ku e término di pago a pasa.
- Di dos rekordatorio: 14 dia despues di e promé rekordatorio. Partisipashon den aktividatnan ku tin un kosto por ta limitá.
- Despues di 30 dia di e di dos rekordatorio: si e pago ainda no a wordu hasi, Jong Bonaire por suspende e miembresía i e partisipashon den aktividatnan.
- Montantenan ku ya a wordu pagá no ta wordu reembolsá den kaso di terminashon di partisipashon promé ku tempu, a ménos ku Jong Bonaire tuma un otro desishon por eskrito.
- Partisipashon den aktividatnan speshal, manera ekskurshonnan, kampamentunan, aktividatnan festivo òf programanan speshal, ta permití solamente ora tur suma debí ta pagá kompletamente.
Artíkulo 8 – Terminashon di partisipashon
- E partisipante i/òf su mayor/tutor legal por terminá e partisipashon na kualke momento.
- Jong Bonaire por terminá e partisipashon i nenga un partisipante entrada na su tereno i na su aktividatnan den e siguiente situashonnan:
- Komportashon ku ta pasa límite.
- Komportashon peligroso òf situashonnan ku ta pone seguridat na peliger.
- Violashon repetitivo di e reglamentonan.
- Falta di pago repetitivo.
Artíkulo 9 – Prosedura pa keho
- Keho por wordu entregá por eskrito na direkshon di Jong Bonaire.
- E persona ku a presentá e keho lo risibí un kontesta por eskrito denter di 10 dia di trabou.
- Si e persona no ta di akuerdo ku e manera ku a trata e keho, por pidi pa un komishon independiente di keho trata e kaso.
Artíkulo 10 – Privasidat
- Jong Bonaire ta hasi su máximo esfuerso pa trata dato personal di akuerdo ku e prinsipionan di e Reglamento General di Protekshon di Datonan (AVG) di Europa.
- Den e Deklarashon di Privasidat di Jong Bonaire ta spliká ku mas detaye kua datonan ta wordu prosesá, pa kua propósito i durante kuantu tempu.
Artíkulo 11 – Kambionan
Jong Bonaire tin e derecho pa hasi kambio den e kondishonanan aki. Kualke kambio lo wordu komuniká na tempu via e website òf pa medio di email.
Artíkulo 12 – Lei aplikabel
E lei di Hulanda Karibense ta apliká riba e kondishonanan general aki.