Jong Bonaire tin un variedat amplio di aktividat pa hóben. Sea ta trata di deporte, arte òf lantamentu di negoshi, Jong Bonaire tin tur esei pa ofresé.
Hóben por partisipá, entre otro na aktividat manera: Basketball, beach games, Bida Master (life skills), biar, BMX, bòkseo, brass band, girlpower, muzik krioyo, arte & media, muzik, lantamentu di negoshi, paintball, pinpòn, grabashon di muzik den studio i futbòl.
Nos ta organisá tur aña tambe un kantidat di aktividat lòs, manera lùnch di Pasku i den fakansi di yüli nos kampamentu di berano popular ku e siman di survival. Pa nos hóbennan mas grandi (edat 18+), nos ta organisá enkuentro i anochi apart. Finalmente, nos ta organisá pa mayor tambe enkuentro ku oradó invitá i tayer tokante edukashon, kon pa dil ku emoshon, kon pa dil ku adikshon, ets.
Aki bou bo por mira kiko tin planifiká awor riba kalènder di aktividat.