Den komplementashon di e aktividatnan simpátiko tin aktividatnan serio pa yuda e hóbennan . A inventá esakinan pa yuda e hóbennan desaroyá i bira miembronan digno di nos komunidat i krea posibilidatnan pa sigui eduká òf entrenamentu pa un sierto fishi.

Konseho hubenil – Hóbennan ta representá nan kompañeronan i ta yuda e lidernan inventá aktividat i evenemento

Lidernan mèntòr – Kada hóben tin su mes mèntòr ku ta yud’é na momentu di problema òf ta duna animo èkstra.

Tayernan – Pa tantu e hóbennan komo esnan ku ta duna guia ku tópikonan manera por ehèmpel: bon komunikashon, alkohòl, informashon riba tereno seksual, tèr i desaroyá norma i balor

KREBO – kada aña ta siña hóbennan kon anda ku mucha chikitu i guia nan den e aktividatnan. Den periodo di fakansi grandi e hóbennan entrená ta yuda e sentronan di Bario ku nan programanan di fakansi.

Sentro ku ta duna espasio pa práktika – Jong Bonaire ta un sentro ku ta duna espasio pa práktika rekonosé i sertifiká riba tereno di salubridat i bienestar, deporte, hospitalidat i atministrashon. Stazjèrnan por haña un kompensashon pa e tempu ku nan ta traha na Jong Bonaire.